Tuesday, June 3, 2014

ನಿನ್ನದೇ ಹುನ್ನಾರ!!

 


 ಅಂತರಂಗದ ಮೌನ ಸರೋವರ 
ನೀನು ಮುಖವಿಟ್ಟು
 ಕಾಣುವ ಬಿಂಬಕೆ ನೂರು ರೂಪ
ಕಾಮನ ಕಲರವಕೆ ಬಯಕೆಯ ನೂರು ಬಣ್ಣ!!

************************ 
ಸುಮ್ಮನೆ ಬಿಂದುವಾದೆ
ಸಾಗುವ ದಾರಿಯಲಿ
ಹೇಳಲಾಗದ ಭಾವಗಳು ಹಾಗೇ ಬಿದ್ದಿವೆ
ಒಮ್ಮೆ ನಿನ್ನ ಸ್ಪರ್ಶಕೆ
ಕಾಯಲು ಜೀವಮಾನದ
ಲೆಕ್ಕವೆಕೆ!!
*******************
ನಿನ್ನೆದೆಯ ಮೇಲೆ ನಲಿಯುವ
ತುಟಿಗಳಿಗೆ ತಾಕುವ ನಿನ್ನ ಬಿಸಿಯುಸಿರಲಿ
ಹಸಿಯಾಗಿದೆ ನಿನ್ನೊಲವ ಭಾವವು
ಬಿಗಿಹಿಡಿದ ಬಾಹುಗಳಿಗೆ ಬಂಧನವೇ
 ಬಿಡುಗಡೆಯ ಹರುಷವು !!
******************** 
 ಮತ್ತೆ  ಮತ್ತೆ ಸಿಗುವ
ಸಂಭ್ರಮ ಸಡಗರಕೆ
ನಿನ್ನದೇ ಹುನ್ನಾರ!!