Tuesday, November 17, 2015

ಚರಿತ್ರೆಯ ಪುಟವೆಲ್ಲ..

ಚರಿತ್ರೆಯ ಪುಟವೆಲ್ಲ 
ಜೀವ ಪಡೆದವು ಒಮ್ಮೆಗೆ 
ತನ್ನೊಳಗೆ ಅಮರರಾಗಿದ್ದ 
ರಾಜರ ಮಹಾಮಹಿಮರ 
ಹೆಸರನೆಲ್ಲ ಕಾಪಾಡಿಕೊಂಡು 

ಗರ್ಭ ತುಂಬಿದ ಅವರ 
ಕೀರ್ತಿ ಅಪಕೀರ್ತಿಗಳೆಲ್ಲ 
ಉಸಿರು ಕಟ್ಟಿ ಯಾವುದೋ 
ದಿವ್ಯ ಗಳಿಗೆಯಲಿ ಪ್ರಸವವಾಗಿ 
ಗತದ ಗೊಂದಲವೆಲ್ಲ ಹರಿದಾಗ 
ಉತ್ತರ ದಕ್ಷಿಣ ಎಡ ಬಲಗಳ ವೈರುಧ್ಯ

ಹಾರಾಡಿ ಚಿರಾಡುತ ಶಪಿಸಿ 
ಹುತಾತ್ಮನ ಹೆಸರ ಕೂಗಲು  
ಹತನಾದನು ಇವನು ಇಲ್ಲಿ  
ನೋವಿನಲಿ ಸಾವಿನಲಿ 
ಹರಿಯಲು ಯಾರದೋ ರಕ್ತ 
ನಾಳೆಯ ಇತಿಹಾಸದ,,,,,,, 
ಪುಟಗಳೆಲ್ಲ ಕೆಂಪು.          
              - ಈಶಕುಮಾರ್