ನೀಲು ಕಾವ್ಯ

ಲಂಕೇಶರ ನೀಲುವಿನ ಸರಳ ಸುಂದರ ಕವನಗಳು ಓದಿದಾಗೆಲ್ಲ ಮನವ ತಣಿಸುವವು...

ಅವಳ ಆಕರ್ಷಕ ಯೌವ್ವನ

ತಾಯಿಯಲ್ಲಿ ಆತಂಕ

ಅಜ್ಜಿಯಲ್ಲಿ ನಿಟ್ಟುಸಿರು

ಮತ್ತು ಇಡೀ ಕೇರಿಯಲ್ಲಿ

ಉಲ್ಲಾಸ ಮೂಡಿಸಿತು

```````````````````````````````

ನನ್ನ ಚೆಲುವನೊಂದಿಗೆ

ನೋಡಿದ ತಾವರೆಕೆರೆ

ಈಗ ಒಬ್ಬಳೇ ನೋಡುವಾಗ

ನೀರು ತುಂಬಿದ ಕಣ್ಣಿನಂತೆ

ಕಾಣುವುದು.

~~~~~~~~~~~~~~~~~~~

ಗಂಡಿನ ಖಡ್ಗ, ಬಂದೂಕು

ಬಾಂಬ್ ಗಳೆಲ್ಲ

ನನ್ನೆದುರು ತಣ್ಣಗಾಗಿ

ಹಬ್ಬ ಆಚರಿಸುವುವು.

``````````````````````````````

ಚೆನ್ನಮಲ್ಲಿಕಾರ್ಜುನನನ್ನು

ಕುರಿತು ಹಾಡಿದ ಅಕ್ಕನ

ಹಾಡಿನ ಮುಂದೆ

ನನ್ನ ಕವನಗಳೆಲ್ಲ

ಮಿಣುಕು ಹುಳುಗಳು ಮಾತ್ರ.