Saturday, February 15, 2014

ಖಾಲಿ ರಸ್ತೆ...

ಖಾಲಿ ರಸ್ತೆ...


ತಣ್ಣನೆ ಗಾಳಿ ಹರಿದಾಡುತ್ತಿದೆ
ಮಿಲನದ ರಾತ್ರಿಯೆಲ್ಲ ಕಳೆದ
ಖಾಲಿ ಮಂಚದ ಹಾಗೆ ಬಿದ್ದಿಹ
ರಸ್ತೆಯ ಮೇಲೆಲ್ಲ
ತಾಕಿ ನಿಂತು ಪಿಸುಮಾತನಾಡಲು
ಉಳಿದಿಲ್ಲ ಅರೆ ಜೀವವೂ
ಬರಿದಾದ ರಸ್ತೆ ನಿಟ್ಟುಸಿರಿಡುತ್ತಿದೆ
ಹಗಲೆಲ್ಲ ಹರಿದು-ಹಂಚಿ ಹರಿದಾಡಿದ
ಜೀವಗಳು ಹೊತ್ತು ಹೋದ
ನೋವುಗಳ ನೆನೆದು
ಮರುಗುವ ದಾರಿಯ ಮೇಲೆ
ಸುಳಿದಾಡುತ್ತಿದೆ ಗಾಳಿ
ಸೋನೆ ಮಳೆಯ
ಸುಳಿವನು ನೀಡದೆ.

2 comments:

Pradeep Rao said...

ಖಾಲಿ ರಸ್ತೆಯನ್ನು ಮಿಲನದ ರಾತ್ರಿಯೆಲ್ಲ ಕಳೆದ ಖಾಲಿ ಮಂಚಕ್ಕೆ ಹೋಲಿಸಿದ ಕವನ ಕುತೂಹಲಕಾರಿಯಾಗಿದೆ! Nice one :)

Mohmd Musthafa said...

nice