Tuesday, July 21, 2009

ಗಾಂಪನ ಓಟ...


"Life is like a box of chocolates...
you never know what you are gonna get."
(FORREST GUMP ನ ತಾಯಿಯ ನುಡಿಗಳು)
ಇನ್ನೇನು ಬದುಕೆಲ್ಲ ಮುಗಿದೇ ಹೋಯಿತ್ತು ಇನ್ನೆನು ಮಿಕ್ಕೇ ಇಲ್ಲ ಅಂತ ಆಗಾಗ ಅನ್ನಿಸೊದು ಉಂಟು, ಸಂಜೆ ಹೊತ್ತಲ್ಲಿ ಆವರಿಸಿಕೊಳ್ಳೊ ಇಂತಹ ಖಿನ್ನತೆಯನ್ನ ಎದುರಿಸೋದು ಆ ದಿನದ ಮಟ್ಟಿಗೆ ಕಷ್ಟ, ಆದರೂ ಏನಾದರೂ ಮಾಡಲೇಬೇಕಲ್ಲಾ ಅದಕ್ಕಂತ ಹಳೇ ಪಿಚ್ಚರ್ ನೋಡೋದು ನಂಗೆ ರೂಡಿ. ಹೊಸದರ ಬಗ್ಗೆ ಎಲ್ಲರು ಚೆಂದಾಗಿದೆ, ಕೆಟ್ಟದಿದೆ ಅಂತ ಹೇಳ್ತಾರೆ. ಆದರೆ ಹಳೇದರ ಬಗ್ಗೆ ಹೇಳಲ್ಲಾ, ಇಲ್ಲೊಂದು ಸಿನಿಮಾದ ಬಗ್ಗೆ ನಾನು ಬರೆದಿದ್ದೇನೆ ನನ್ನನು ಬಹಳ ಕಾಲ ಕಾಡಿದ್ದು, ಸಿಡಿ ಅಂಗಡಿಯಲ್ಲಿ ಆರಾಮಾಗಿ ಸಿಗುತ್ತೆ, ನೆವರ್ ಮಿಸ್ ದಿಸ್ ಫಿಲಂ..
'FORREST GUMP'
"ಹುಟ್ಟಿನಿಂದಲೇ ಊನ, ಸುತ್ತ ಮುತ್ತಲಿನ ಸಂಗತಿಗಳನು ಗುರುತಿಸಲು ಆಗದ ಬುದ್ದಿಮತ್ತೆ, ಮತ್ತೊಬ್ಬರ ನೋವಿಗೆ ಮಿಡಿವ ಮುಗ್ದನೊಬ್ಬ ಬದುಕಿನ ಮಿತಿಗಳನು ಮೀರಿ ಅಸಮಾನ್ಯವೆನ್ನುವಂತೆ ಯಶಗಳ ಮೆಟ್ಟಿಲೇರಿ, ಜನಮಾನಸದ ಅಚ್ಚರಿಯಾದವನ ಕಥೆ 'FORREST GUMP' .ಸಾಮಾನ್ಯ ಜೀವನ ಕಥೆಯನ್ನ ಅಸಾದಾರಣ ವಾಗಿ ಚಿತ್ರಸಿದ್ದೆ ಹೈಲೈಟ್.
ಸ್ನೇಹಿತ ಶ್ರೀನಿವಾಸ ಗೌಡ, ಬಿಡುವಿದ್ದಾಗಲೆಲ್ಲಾ ಯಾವ್ಯಾವುದೋ ಹಾಲಿವುಡ್ ಚಿತ್ರಗಳನು ನೋಡಿ, ಒಮ್ಮೊಮ್ಮೆ ಚಿತ್ರದ ಕಥಾವಸ್ತುಗಳ ಬಗ್ಗೆ ತನಗೂ ತಡೆಯಲಾಗದೇ ಹೇಳುತ್ತಿದ್ದ. ಆ ಸಿನಿಮಾಗಳನು ನೋಡುವಂತೆ ಪ್ರೇರೆಪಿಸಿದ್ದ ,ಮೊನ್ನೆ ಚೀನಾದಿಂದ ಬಂದಿದ್ದ ನನ್ನಕ್ಕ ತಂದ ಕೆಲವು dvd ಗಳಲಿ 'FORREST GUMP'ಎಂಬ ಸಿನಿಮಾ ಇರೋದನ್ನ ಕಂಡು ಗೌಡ ಹೇಳಿದ್ದು ನೆನಪಾಗಿ ಚಿತ್ರ ನೋಡಿದೆ. ಆ ದಿನ ದಿನವಂತೂ ನನ್ನ ಮನ ತಲ್ಲಣ್ಣಿಸಿಬಿಟ್ಟಿತು. ಹೇಗೇಗೊ ಇದ್ದವರು ಹೇಗಾಗಬಹುದು, ಮಾನವನ ಸಾಧನೆಗಳಿಗೆ ಮಿತಿಯೇ ಇಲ್ಲ ಅನ್ನಿಸಿತು. ತನಗಿರುವ ವಿಕಲಾಂಗತೆಯನು ಮೀರಿ ಅಪರಿಮಿತ ಯಶಸ್ಸನ್ನು ಸಾಧಿಸುವ ಮುಗ್ದ ಹುಡುಗನೊಬ್ಬನ ಬದುಕಿನ ಕಥೆ ಅದು, ನೋಡುಗನ ಮೇಲೆ ಬೀರುವ ಪ್ರಭಾವ ಅನನ್ಯ.
ಒಂದೇ ಪದದಲಿ ಹೇಳಬೇಕೆಂದರೆ ಚಿತ್ರದಲ್ಲಿರುವುದು "ಓಡು ಓಡು ಗುರಿಮುಟ್ಟುವ ವರೆಗೆ ನಿಲ್ಲದಿರು ಎಂಬ ಚಲನ ಶೀಲ ಸಂದೇಶ". ಮುಗ್ದ ಹುಡುಗನ ಅಂಗ ವೈಕಲ್ಯತೆಯನ್ನು ಹೀನಾಯವಾಗಿ ಅಣಕಿಸುವ ಕಿಡಿಗೇಡಿ ಹುಡುಗರ ಹಿಂಸೆಯಿಂದ ತಪ್ಪಿಸಿಕೊಳ್ಳಲು gumpನ ಸ್ನೇಹಿತೆ ಅವನಿಗೆ ನೀಡೋ ಸಲಹೆ 'Don'tstop,run Forrest,run ಅವನ ಜೀವನವನ್ನೇ ಬದಲಿಸುತ್ತದೆ. ಆತ ಆಮೇಲೆ ನಿಲ್ಲೋದೇ ಇಲ್ಲ ಓಡುತ್ತಲೇ ಇರುತ್ತಾನೆ, ತನ್ನ ಮಿತಿಯನು ಮೀರುವವರೆಗೂ. ತನ್ನ ಗೆಳತಿಯ ಪ್ರೋತ್ಸಾಹ ದಿಂದ ಭಾರದ ತನ್ನ ಕಾಲುಗಳನು ಎಳೆದುಕೊಂಡು ಓಡಲು ಹೆಜ್ಜೆ ಹಾಕುವ gump ಓಡಿ,ಓಡಿ ವಿಕಲತೆಯನ್ನ ಮೀರುತ್ತಾನೆ .ತನ್ನ ಬೆಂಗಾವಲಿಗೆ ನಿಂತ ತಾಯಿ ಹಾಗೂ ಗೆಳತಿಯ( ಜೋರಾ) ಪ್ರೋತ್ಸಾಹದಿಂದ ಪೆದ್ದ ಹುಡುಗ ಸ್ಕೂಲು,ಕಾಲೇಜುಗಳಲಿ ಉತ್ತಮ ಕ್ರೀಡಾಪಟುವಾಗುತ್ತಾನೆ. ಆದರೂ ಮುಜುಗರ ಸೊಪ್ಪೆಯಾದ ಆತ ಬೇರೆ ಸ್ನೇಹಿತರಿಂದ ದೂರವೇ ಉಳಿಯುತ್ತಾನೆ.
ಏನೂ ತಿಳಿಯದ ದಡ್ಡ ಮಿಲಿಟರಿಗೆ ಸೇರುತ್ತಾನೆ, ಆಗ ಆತನ ಗೆಳತಿ ಕೊಡೋ ಸಲಹೆ ಆತನಲ್ಲ ಕಾಪಾಡುತ್ತೆ, ನಿನಗೆ ಯಾವುದೇ ಸಂಕಟ ಎದುರಾದರೂ 'ಓಡುವುದನ್ನ ಮರೆಯಬೇಡ Gump' . ಮಿಲಿಟರಿ ಸೇವೆಗೆ ಸೇರಿದ ಕೆಲವೇ ದಿನದಲಿ ಎದುರಾದ ಯುದ್ಧದ ಭೀಕರ ಸನ್ನಿವೇಶದಲ್ಲಿ,ಎಲ್ಲಾರು ಹೆಣವಾಗುತ್ತಿರುತ್ತಾರೆ, ಆದರೆ ಓಡುತ್ತಲೇ ಇರೋ ಗಾಂಪ್ ಗೆ ಗುಂಡುಗಳು ತಾಕೋಲ್ಲ , ಗಾಯಗೊಂಡ ಸೈನಿಕರನೆಲ್ಲ ಹೊತ್ತು ತಂದು ಆಸ್ಪತ್ರೆ ತರುತ್ತಾನೆ, ಸಾವಿನ ಬೀತಿ ದಿಕ್ಕರಿಸಿ ಮಾನವೀಯ ಮೌಲ್ಯ ಮೆರೆವ Gump, ತನ್ನ ಜೊತೆಗಾರ ಮೆಕ್ಸಿಕೋದ ಗೆಳೆಯನ ಸಾವಿಗೂ ಸಾಕ್ಷಿಯಾಗುತ್ತಾನೆ.

ಸೈನಿಕ ವೃತ್ತಿಯಿಂದ ನಿವೃತ್ತನಾದ ಮೇಲೆ, ಅವನ ದೇಶ ಸೇವೆಗೆ ಸರಕಾರ ನೀಡುವ ಪ್ರಶಸ್ತಿಯ ಹಣ ಪಡೆದು , ಸಾವಿಗೀಡಾದ ಸ್ನೇಹಿತನ ತಂದೆ-ತಾಯಿಗಳೊಂದಿಗೆ ಕೂಡಿ ಅವರ ಊರಿನಲ್ಲೇ ಮತ್ಸ್ಯ ಉದ್ಯಮದಲಿ ತೊಡಗಿ, ದೇಶವೇ ಪ್ರಶಂಸಿಸುವಸ್ತ್ಟು ಎತ್ತರಕ್ಕೆ ಬೆಳೆಯುತ್ತಾನೆ, ಕಡೆಯಲ್ಲಿ ಆ ಉದ್ಯಮವನ್ನೂ, ಆತನ ಸ್ನೇಹಿತನ ಸುಪರ್ದಿಗೆ ಬಿಟ್ಟು ಮತ್ತೆ ತನ್ನ ಗೆಳತಿಗಾಗಿ ತಡಕಾಡುತ್ತಾನೆ.. ಅವಳ ಆತ್ಮ ಸಾಂಗತ್ಯಕ್ಕೆ ಹಾತೊರೆದು, ತನ್ನ ಪ್ರೀತಿಯನ್ನ ಅವಳಿಗೆನೀವೆದಿಸುತ್ತಾನೆ. ಹುಟ್ಟು ಚಂಚಲೆಯಾದ ಬಾಲ್ಯದ ಗೆಳತಿ ಜೋರಾ ಒಮ್ಮೆ ಅವನನ್ನು ಸಂಧಿಸಿ ಅವನಿಂದ ದೂರಾಗುತ್ತಾಳೆ. Gumpನ ತಾಯಿ ಅದೇ ಸಮಯಕ್ಕೆ ಇಹಲೋಕ ತ್ಯಜಿಸುತ್ತಾಳೆ.

ಬದುಕಿನ ಏಕಾಂಗಿತನವನು ಮೀರಲು, ಮತ್ತೆ ಓಡಲು ಪ್ರಾರಂಭಿಸುತ್ತಾನೆ. ದಿನಗಟ್ಟಲೇ, ತಿಂಗಳುಗಟ್ಟಲೆ ಓಡಿ,ಓಡಿ ಅಮೇರಿಕಾದ ಉದ್ದಗಲಗಳನು ಕ್ರಮಿಸುತ್ತಾ ಸಾಗುವ Gumpನ ಸಾಹಸಗಾಥೆಯನು ಮಾಧ್ಯಮಗಳು ಗುರುತಿಸಿ ಪ್ರಶಂಸೆಯ ಮಳೆಗರೆಯುವ ಹೊತ್ತಲ್ಲೇ ತನ್ನ ಓಟವನ್ನ ನಿಲ್ಲಿಸಿ ಮನೆಗೆ ಮರಳುತ್ತಾನೆ.
ಎಲ್ಲಿಯೂ ಮನಶಾಂತಿ ಸಿಗದೇ ಒಂಟಿತನದ ಬೇಗೆಯಲಿ ಇರುವ Gumpನ ಬಳಿಗೆ ಹಿಂದೊಮ್ಮೆ ಕೂಡಿದ್ದ ತನ್ನ ಜೀವದ ಗೆಳತಿ ತಮ್ಮ ಕುಡಿಯೊಂದಿಗೆ ಮತ್ತೆ ಬಂದಾಗ ಆತ ಕೇಳುವ ಮೊದಲ ಪ್ರಶ್ನೆ 'HAS HE SMART LIKE YOU?' ಮೂವರು ಒಟ್ಟಿಗೆ ಸೇರಿದ ಕೆಲದಿನಗಳಲ್ಲೇ ಕಾಯಿಲೆಯಿಂದಾಗಿ ಸಂಗಾತಿಯು ಸಾವನಪ್ಪುತ್ತಾಳೆ. ತನ್ನ ಹಾಗೇ ಪೆದ್ದನಲ್ಲದ ಮಗನೊಂದಿಗೆ ಬಾಳಿನ ಹೊಸದಾರಿಯೆಡೆಗೆ ಹೆಜ್ಜೆಯನಿಡುವ ದೃಶ್ಯದೊಂದಿಗೆ ಚಿತ್ರ ಕೊನೆಗೊಳ್ಳುತ್ತದೆ.
ಪೆದ್ದುತನ, ಮುಗ್ದತೆ , ಪರರ ಸೇವೆ ಮತ್ತು ಗುರಿ ಹಿಡಿವ ಚಲದ ಪೆದ್ದು ಹುಡುಗನ ಪಾತ್ರದಲ್ಲಿ ನಟ Tom Hanks ಮನೋಜ್ಞವಾಗಿ ಅಭಿನಯಿಸಿದ್ದಾರೆ.

ಎಲ್ಲಿಯೂ ನಿಲ್ಲದಿರು ಮನೆಯನೆಂದು ಕಟ್ಟದಿರೂ ಅನ್ನೊ ಕುವೆಂಪು ಅವರ ಪದ್ಯ ನಿಮಗೆ ನೆನಪಾಗದೇ ಇರದು, ಚಿತ್ರ ನೋಡಿದ ಮೇಲೆ ಅದರ ಗುಂಗು ಒಂದು ವಾರಕ್ಕಾದರೂ ಸಾಕು ಬೇಕಾದಷ್ಠು....
ಅವಕಾಶ ಸಿಕ್ಕರೆ ಒಮ್ಮೆ ನೋಡಿ ಸಹಯಾತ್ರಿಗಳೇ ಮರೆಯದೆ.



10 comments:

ಶ್ರೀನಿವಾಸಗೌಡ said...

ಹೇ ಈಶ ನಿನ್ನ ಬ್ಲಾಗ್ ಬಗ್ಗೆ ಕೆಂಡ ಸಂಪಿಗಯಲ್ಲಿ ಬರೆದಿದ್ದಾರೆ ನೋಡಿದೆಯಾ, ಗಾಂಫನ ಬಗ್ಗೆ ಬರೆದಿದ್ದು ಚೆನ್ನಾಗಿದೆ.

aravind said...

"ಆತ ಆಮೇಲೆ ನಿಲ್ಲೊದೆ ಇಲ್ಲ ಓಡುತ್ತ ಇರುತ್ತಾನೆ,ನಿಲ್ಲೋದೇ ಇಲ್ಲ ಗೆಲ್ಲುವವರೆಗೆ" annodu sari alla... Forrest ge gelavu-solu bagge parive irodilla, are avnu ododrinda galavu avannanu hudukikondu barutte, adannu meeri avnu oduthaane. Karana: Avanige gelavu-solina beeti irolla, childhood pal helida onde maatu palisalu avnu ododu anta nange anisodu

udaya said...

ಗಾಂಪನ ಬರಹ ಚೆನ್ನಾಗಿದೆ... ಆದರೆ ಅವನು ಗೆಲುವಿಗಾಗಿ ಓಡಲಿಲ್ಲ... ಅದು ಕಾದಂಬರಿ ಆದಾರಿತ..
Forrest gump story based on outsmart people.. But you know it could be compared to people someone life...
Congrats...I checked kendasampige... They written about u r blog in 'ದಿನದ ಬ್ಲಾಗ್ ನೋಟ'

ನಮ್ಮನೆ.. SWEET HOME..... said...

nimma baravanige tumbaa chennaagide...

abhinandanegalu...

RK said...

sthavarakkalivuntu jangamakkalivilla emba

anubhava mantapda anubhaavigala nudi sathya alwa

ramyashree said...

Anga vaikalya iruvavarige idondu madari chithra antha nanagannisutthade. Manassiddare marga anno mathu illi akshrasaha nijavagide.
Naanu omme nodutthene ee chalana chithravanna..
Ninna baravanige chennagi...

hk said...

eege bere bere vishayada bagge baredre odoke chennagirutte.

ಎಚ್.ಎನ್. ಈಶಕುಮಾರ್ said...

KAVYA H S
through mail...
Gumpna ota odide Ist PU english paata mattomme mana pataladalli marakalisitu(nenapaaytu annodakke naanadannu maretilla),ellarigu tammade ada korategalu iruttave avugalanu edurisi metti nillabeku annodu pratiyobbaru aritukollabekaada amsha,gumpna ota adakondu maadari, adare gumpna hendati tanna karula kudiyodane maralidaaga avanu yake "Has he smart like you" anta kelida,adakke kaarana avanu patta tondareye?,tanna maga tannahaage angavikalanaagadirali anno tuditave?.yako avanu a prashneyanna kelabaaradittu annisitu nanage.. Nivenu heluttira

bilimugilu said...

Hi Esha,
Gumpana Ota - nimma baravaNige, kathe, ellavoo tumbaane chennaagide! kelave padagaLalli edee chitra noDida anubhava. Tumbaa ishtavaagiddu katheya "Keep up the Spirit of Life" anno message. Yes, that is what is required.
Keep writing Esha, neevu tumbaane chennaagi bareyuteeri.

lavanya said...

Hi Esha, Ninna "SAHAYATRI" blog ella ooddhe ..thumbhane changidhe .. Ninalli entha prathibhe edhe antha nijavaglu gothirlilla..keep it up! yava karanakku ee baraha nillisbeda.. WISH YOU ALL THE VERY BEST.. :)